Wednesday, August 1, 2012

சத்து மட்டுமல்ல, சக்கையும் முக்கியம்



மருத்துவ துறையில் இருக்கின்றவன் என்ற வகையில் உடல் ஆரோக்கியம், எளிய தமிழில் உடலியல் பற்றிய தொடர்களை உங்களுடன் பகிர்ந்து கொள்ள மிகவும் விரும்புகிறேன். ஆனால்  நேரம் ஒத்துழைப்பதில்லை. ஆகவே எளிமையான விடயங்களை உங்களுடன் பகிர்ந்து கொள்ள விரும்புகிறேன்.

மேலை நாட்டவர்கள் நம்மை தாழ்வு மனப்பான்மையில் தள்ளும் விதமாக நமது பாரம்பரியத்தை பல விதங்களில் இகழ்வதுண்டு. துரதிருஷ்ட வசமாக நம்மவர்களும் அதனை ஏற்றுக் கொண்டு பேசுவதும் உண்டு.
ஆனால்
எப்பொருள் யாரார் வாய்  கேட்பினும் மெய்ப்பொருள் அறிவதல்லவா உகந்தது?

ஆங்கிலேயர்கள் இந்தியர்களை புல் தின்பவர்கள் என்று பரிகசிப்பர். நம்மவர்களில் சிலர் ஜால்ரா தட்டுவர்தானே?
அவர்கள் அவ்வாறு கூறுவதற்கு காரணம்  உண்டு.
அவர்களின் உணவு animal based . எங்களுடையது plant based .

இந்த மாற்றத்துக்கு  ஒரே காரணம் காலநிலைதான் . அவர்களை பொறுத்தவரை வெப்பம் பிறப்பிக்க வேண்டிய அதிக கலோரி பெறுமானமுடைய உணவுகள் தேவை. எமக்கு அது தேவை இல்லை. மாறாக நீரிழப்பை ஈடு செயக்கூடிய உணவுகள் தேவை. எனவேதான் எமது பாரம்பரிய உணவுகள் எமக்குப் பொருத்தமாக இருந்தன...

அவர்கள் அவர்களின் பழக்கம் குறித்து பெருமை படுகின்றனர். நாம் எமது பழக்கம் கண்டு வெட்கப் படுகிறோம். இதற்கு ஒரே கரணம் தாழ்வு மனப்பான்மைதான்.

இன்றய திகதிக்கு நாம் மேற்கு  நோக்கி நகர்ந்து கொண்டிருக்கிறோம். எனவே நான் கீழ் குறிப்பிடுபவற்றையும்  கருத்தில் கொள்ளுங்கள்.
உணவில் மூன்று வகையான பொருட்கள் உள்ளன.
1. சத்துக்கள் - வளர்ச்சி, சக்தி வழங்குபவை. இவை தாவர , விலங்கு உணவுகள் யாவற்றிலும் உண்டு.
2. நீர்
3. நார்பொருள் ( Fibre ) இது முற்று முழுதாக தாவரத்தில் மட்டுமே உண்டு.

Fast food உணவை நோக்கி செல்லுவதால் எம் உணவில் fibre content குறைவடையும். முடிவு? மலச்சிக்கல். ( Constipation )
முன்பெல்லாம் வெள்ளையருக்கே உரித்தான இந்நோய் இப்போது எம் பக்கம் வரத் துவங்கியுள்ளது.

காரணம்  இதுதான். Fibre என்பது பிரதானமாக செல்லுலோஸ் .(cellulose )
இது மனித உடலில் சமிபாடு அடையாது. எனவே ஒன்று திரண்டு ஒரு bulk இனை உருவாக்கும். இது குடலினூடாக செல்வதை இலகுவாக்கும். இதனால் மலச்சிக்கல் தவிர்க்கப் படும். ( புதிய டூத் பெஸ்டினை பிதுக்க இலகுவாக இருக்கும் இல்லையா? அது போலத்தான் குடலில் bulk  ஒன்று உள்ள போது தசை நார்களின் சுமை குறைவு)
 உங்களுக்கு ஒன்று தெரியுமா? வெள்ளையர்கள் உணவுப் பழக்கம் காரணமாக fibre இனை  மாத்திரை வடிவில் வாங்கி உண்கிறார்கள். அவை விலை கூடியவை. ஆனால்  நாம் ?


இந்த நார்பொருள் எமக்கு உபயோகம் இல்லை. ஆனால்  குடல் பாக்டீரியாக்களுக்கு உணவாகும். அவற்றினால் உடைக்கப் படும் நார் சில விளைபொருட்களை உருவாகும். இவை உடலில் கொலஸ்ட்ரோல் அளவை குறைக்கும்.
குடல் புற்று நோய் வாய்ப்பை குறைக்கும்.

எனவே veg  உணவு வகைகள் மட்டமானவை என்ற கருத்து எங்கிருந்தேனும் வந்தால் தயங்காமல் மறுத்து விடுங்கள். உங்கள் உணவுப் பழக்கம் சிறந்ததுதான் என்று விளக்க இவை போதும். நீங்கள் தாவர உண்ணியாக வாழ வேண்டும் என்று சொல்லவில்லை. ஆனால் கட்டாயம் உணவில் தாவர உணவுகளை சேர்த்துகொள்ளுங்கள்.




Tuesday, July 31, 2012

தமிழ் உண்மையில் செம்மொழிதானா?

தமிழ் உண்மையில் செம்மொழிதானா?
செம்மொழி எனும் பதம் classical  language என்ற பதத்துக்கு முழு அர்த்தம் தருவதுதானா ?

செம்மொழி என்பதற்கு பல வரைவிலக்கணங்கள்  தரப் படுகின்றன.

" It should be ancient, it should be an independent tradition that arose mostly on its own, not as an offshoot of another tradition, and it must have a large and extremely rich body of ancient literature."

மேல் சொன்ன மொழியியலாலரின் கருத்து பெரும்பாலும் ஏற்றுக்  கொள்ளப் பட்டதாகும்.
- அது பழமையானதாக இருக்க வேண்டும்.
- எந்தவொரு மொழியினின்றும் தோற்றுவிக்கப் படாத சுயமான பாரம்பரியத்தை கொண்டிருக்க வேண்டும் 
- தொன்மையான இலக்கிய செழுமை கொண்டிருக்க வேண்டும். 

மேற் சொன்ன அடிப்படையின் கீழ் உலக மொழியியலாளர்களின் கருத்துப் படி உலகில் ஒன்பது செம்மொழிகள் .

சுமேரியன் 
எகிப்திய மொழி 
பாபிலோனிய  மொழி 

இம்மூன்றும் முன்பு காணப் படினும் உலக செம்மொழிகள் ஆறுதான். 
 மேல் நாட்டு கோட்பாட்டின்படி அவர்களின் மொழிகள் 2.
                    கிரேக்கம் 
                    இலத்தீன் 

உலக மொழிகள் 4.
                     சீனம் , ஹீப்ரு, சமஸ்கிருதம் மற்றும் தமிழ் 

2008 தெலுங்கு, கன்னடம் இந்தியாவின் செம்மொழிகளாக அறிவிக்கப் பட்டன. அது எந்த அளவுக்கு பொருத்தம் என்று நான் அறியேன். ஆனால் உலகளவில் ஏற்றுக் கொள்ளப் படவில்லை. இவ்விடயத்தில் உலக அளவில் ஏற்றுக் கொள்ளப் பட்ட தமிழ் மொழிக்கு ஒரு தனியிடம் இந்திய அளவில் வழங்கப் பட வேண்டும் என்பதை நாம் வலியுறுத்திக் கூற வேண்டும்.

ஏனெனில் தமிழர்கள் பல வழிகளிலும் எமது பெருமையை உணரத் திராணி அற்றவர்களாகத் தான் உள்ளோம் . பல்வேறு அரசியற் காரணங்களால் தமிழுக்கான சரியான இடத்தை இந்தியா வழங்கவில்லை என்பதே கசப்பான உண்மை. இந்நிலையில் நம்மவர்க்கேனும் எமது பெருமை தெரிந்திருக்க வேண்டும். 

Classical Languages in the world : 

1. Sumerian 2. Egyptian 3. Babylonian 

4. Hebrew 5. Chinese 6. Greek 7. Latin 8. Sanskrit 9. Tamil

* Though the first three languages existed along with all 9, only the last 6 languages are called as Worlds Classical languages. 

* Only Chinese and Tamil are used by masses now. 
இன்றும் உயிர்ப்புடன் இருக்கும்  மொழிகள் தமிழும், சீனமும் மட்டும்தான்.

இங்கு சகல தகுதிகளையும் எம் தமிழ் கொண்டிருப்பதால் தமிழ் classical language என்பதில் ஐயமில்லை. இங்கு வாதம் அதுவல்ல. "செம்மொழி"
என்பது அதற்கான சரியான தமிழாகுமா  என்பதே....


பேராசிரியர்.கா.சிவத்தம்பி கருத்துப் படி இந்த பதம் classical  language என்ற பதத்தின் பெருமையினை தமிழுக்கு முழுமையாகத் தரவில்லை.


பேராசிரியரின் கருத்துப் படி இந்த அந்தஸ்துக்கு தொடர்ச்சி என்பதும் அவசியம் என்கிறார். ( Continuity  as a Language )உண்மைதான். இந்திய மேலாண்மைவாதிகளுக்கு கசப்பாக இருந்தாலும் sanskrit சில உலக அறிஞர்களால் classical  language என ஏற்றுக் கொள்ளப் படுவதில்லை. 
ஏனெனில் அது உலக வழக்கு அற்றுப் போய் விட்டது. 


கிரேக்கம் நவீன கிரேக்கமாய்   தொடர்கிறது. ஹீப்ரு, இஸ்ரேலில் வழங்குகிறது. ஆகவே மற்ற மொழிகளின் தொன்மை உண்டு எனினும் தொடர்ச்சி sanscrit இற்கு இல்லை. 
அனைத்திந்திய மட்டத்தில் தொன்மை , தொடர்ச்சி கொண்ட ஒரே மொழி தமிழ்தான் 


அது ஏனோ தமிழர் பெருமை திட்டமிடப் பட்டு அனைத்து  மட்டங்களிலும் மூடி மறைக்கப் படுவதால் இவ்விடயங்கள் குறித்த ஒரு சாரார்க்கு  மட்டுமே  சென்றடைகின்றன. 

பேராசிரியர் ஒரு பெரிய ஆய்வுக் கட்டுரை மூலம் இந்த விஷயங்களை விளக்கியுள்ளார். 
மேலே சொன்ன அனைத்து பண்புகளையும் உள்ளடக்கி தமிழுக்கு ஒரு பதம் ஒன்றை முன்மொழிகிறார். 


தமிழ் ஒரு, தொல்சீர்மொழி. 


அதற்கான  காரணங்கள் பலவற்றை அவர் விளக்கி இருந்தாலும் கட்டுரையின் சுருக்கம் கருதி அதை விளக்க இயலவில்லை.


ஆய்வுக் கட்டுரை முடிவாக செழுமையை மட்டும் குறிக்கும் செம்மொழி என்பதை விட தமிழின் மாண்பினை முழுமையாக விளக்கும் 'தொல்சீர்மொழி' என்ற பதம் பொருத்தமானதாக  இருக்கும் என விளக்குகிறது. 


இப்பதம் ஒரு அருமையான பதம் என்பதும் தமிழன்னையை போற்றுவதுமாக அமையும் என உணர்ந்து கொண்டேன். 


தமிழன்பர்களின் கருத்து  என்ன? பகிர்ந்து கொள்ளுங்கள்.


பி.கு.
கார்த்திகேசு சிவத்தம்பி 
இலங்கை தமிழறிஞர் ,திறனாய்வாளர் மற்றும் சிந்தனையாளர் .




Friday, July 27, 2012

புத்தர் பயமுறுத்துகிறார்

மாமிசம் உண்ட புத்தர் .......

வசனம் கண்டு கோபம் கொள்ள வேண்டாம். இந்த வசனத்தை கேட்டவுடன்   எனக்கும் வெகுண்டு எழத்தான் தோன்றியது. ஆனால் செய்தி கேட்டவுடன் உண்மையா என் மன மயக்கம் தோன்றவும் கூடும்.

இலங்கை இந்தியாவைப் போன்று ஒரு மதச் சார்பற்ற நாடு அன்று. இலங்கை அரசியல் சாசனப் படி இது ஒரு பௌத்த நாடு. பெருமைப் பட வேண்டியதுதான். ஆனால் அது ஒரு கேலிக் கூத்தாக மாறும் வரை. இலங்கையில் துரதிருஷ்ட வசமாக நடைபெறுவது என்னவோ அதுதான்.

இந்தியாவின் தேசியக் கொடியில் இருப்பது கூட அசோகச் சக்கரம் தானே?

சமத்துவம், சகோதரத்துவம் இவற்றை எய்துவதற்கு ஒரே வழி புத்த மதம்தான் என்பது அண்ணல் அம்பேத்கரின் முடிவு . ஆனால் அண்ணல் இலங்கையில் பிறந்திருந்தால் அந்த எண்ணத்தை மாற்றி இருப்பார் என்பது திண்ணம். ஏனென்றால் இந்தியாவின் சாபக் கேடான சாதி வெறியும் சரி, இலங்கையின் சாபக் கேடான இனவெறியும் சரி, சமூகத்தின் வக்கிரமே அன்றி சமயக் கோட்பாடுகளின் பிழை அன்று. 


ஏனென்றால் நாம் எமது மிருகத் தனத்துக்கு எல்லாம் மதச் சாயம் பூசிக் கொள்கிறோம் . 

புத்தர் மூன்று முறை இலங்கை வந்தார் என்று சிங்கள நூலான மகா வம்சம் கூறுகிறது. புத்த பெருமான் நாகரிகம் அற்ற இயக்கர் , நாகர் வம்சத்தை ( நம்ம தமிழப் பயதான்....) அழித்து  ஆரியர்கள் ( சிங்கள பௌத்தர்கள் ) சமயத்தை வளர்க்க வேண்டுமாம். 
( தமிழர்களை வந்தேறு குடிகள் என்று கூறுவதற்கு முரணாக அமையும் என்பதால் இயக்கரை , நாகரை தமிழர் என்று ஏற்றுக் கொள்வதில்லை சிங்களவர் )


அப்படியே இருந்தாலும் புறாவை  கொல்வதை  கூட ஏற்காத சித்தார்த்தன் ஒரு சமூகத்தை அளிக்க சொல்லி இருப்பானா ?


எல்லாளன் நேர்மையானவன் என்பதை மறுக்க முடியவில்லை. ஆனால் வஞ்சகமாக அவனைக் கொன்ற துட்டகெமுனு தமிழரை அழிப்பதன்  மூலம் புத்தரை நிலை நாட்டுகிறான் .


தமிழர் பகுதிகளில் புத்த தூபிகள் இருப்பது அது சிங்களவர்கள் உடையது என்பதற்கு சான்றாம். தமிழர்கள் ஒரு கட்டத்தில் பௌத்தர்களாக வாழ்ந்தனர் என்றும் அது அவர்களின் உடைமைகள் என்பது ஒரு போதும் அவர்கட்கு தெரியாது. இது அறியாமை அன்று. திட்டமிட்டு மறைக்கப் பட்ட உண்மைகள். 


எங்கள் ஐம்பெரும் காப்பியங்களும் சமண , பௌத்த காப்பியங்கள் என்பது அவர்களுக்கு தெரியாது. 


புத்தர் மூலம் அறிமுகம் ஆனது பஞ்ச சீலக் கொள்கை. புலால் உண்ணாமை, ஜீவா காருண்யம் இரண்டுமே சமணமும் பௌத்தமும் தந்த கொடைகள்  தானே? 


இலங்கையில் சைவர்கள் சிலர் மாமிசம் உண்பதில்லை. 
என் சக மாணவன் ஒருவன் அதற்கு காரணம் கேட்டான். அது உங்களுக்கு ( தமிழர்க்கு) மறுக்கப் படடதா?  என்று கேட்டான்.
நான் என் மேதாவி தனத்தை காட்ட  நினைத்து புத்த போதனைகளை அடுத்து தான் அப்படி ஒரு வழக்கம் அல்லது மறுமலர்ச்சி திருத்தம்  வந்ததாக கூறினேன்.


அவன் சாவகாசமாக கூறினான். 
" புத்தர் ஒரு போதும் அதனை மறுக்கவில்லை . புத்தர் கூட அதனை அடிக்கடி புசித்திருக்கிறார் . என்று எங்கள் சமய நூல்கள் சொல்கின்றன."
உண்மைதான் அப்படி ஒரு கற்பிதம் தான் இங்கு இருக்கிறது. அதாவது பௌத்தம் சிங்களவர்களை தூண்டி விடும் கருவியாக ,  துவேசத்தை கட்டியெழுப்ப , பிக்குகளின் அரசியல் இருப்பை தக்க வைத்துக் கொள்ள தான் இங்கு பயன்படுகிறது. 


அங்கு பார்ப்பனர்கள்.... இங்கு பிக்குகள் ....
மதம் வேறு அன்றி   கொள்கைகள் அடக்கு முறைகள் வேறு அல்ல. சிங்களவர்களிடையே சாதி முறை தாராளமாக உண்டு. 


முன்னொரு காலத்தில் இலங்கை தமிழர்களிடையே புத்தர் அமைதியின் சின்னமாக அமர்ந்திருப்பார். இப்போதெல்லாம் புத்தர் சிலைகளின் அமைதி தமிழரின் மீதான அடக்கு முறை குறிக்கும் சின்னமாகவே அமைகிறது.


புத்தர் பயமுறுத்துகிறார். 


பி.கு.:
புத்தர் ஒரு புலால் உண்ணிதான் என்ற கற்பிதம் உண்மைலேயே உண்டு. நான் வெப் தேடலிலும் வாசித்தேன். சர்ச்சை என்னவெனில் இங்கு இந்த புத்தம் அரசியல் மட்டுமே என்பதுதான் 


" Buddhism is not practiced as a religion here, It is rather used as an equipment here. "


அது சரி எந்த நாட்டிலுமே மதம் ( எந்த மதமானாலும் ) இப்படிதானே பயன் படுகிறது .... 
 மனிதன் ஒரு கொடூரமான சமூகப் பிராணி..